Pandemiya kompaniyalarga avtomatlashtirish ko’plab jarayonlarni yaxshilashga yordam berishini tushunishiga turtki bo’ldi. Yetkazib berish jarayonini avtomatlashtirish korxonalarga ta’minot zanjirlarini soddalashtirish va buyurtmalarni boshqarish samaradorligini oshirishga yordam beradi.

Buyurtmani qabul qilish tizimi biznesning onlayn-do’koniga va savdo kanaliga ulangan. Bu savdo va ta’minot zanjirlari o’rtasida uzluksiz aloqani ta’minlaydi. Boshqacha aytganda, buyurtmalar onlayn tarzda joylashtirilishi bilanoq, ular darhol tekshiriladi va qabul qilinadi. Buyurtmalar qabul qilinganidan so’ng, ularning holati yangilanadi va mijozlar buyurtma holati haqida xabar oladi.

Buyurtma jarayonini avtomatlashtirish buyurtmalarni tezroq qabul qilish va monoton qo’l mehnatiga barham berishga olib keladi. Buyurtmalarni boshqarish jarayonidagi samarasizlikni bartaraf etish buyurtma jarayonini yanada aniqroq va tezroq qilish imkonini beradi.

Yetkazmalarni avtomatlashtirish kompaniyalarga buyurtmalarni tartibga solish va ularni boshqarishda yordam beradi. U mijozlar buyurtmalari haqida yagona ma’lumot manbai bo’lib xizmat qiladi. Avtomatlashtirilgan buyurtma berish jarayoni korxonalarga rentabellikni oshirishga va mijozlarning ko’nglini to’ldirishga yordam beradi.

Avtomatlashtirilgan yetkazib berish jarayoni korxonalarga quyidagi afzalliklarni taqdim etadi:

Stressli vaziyat o’rnida ijobiy tajriba yaratilishi:

Hozirda ko’pchilik kompaniyalar raqamli imidjini yaratayotgan bir vaqtda, biznesni boshqasidan ajratib turadigan yagona narsa — bu mijozlar tajribasidir. Yetkazib berishni avtomatlashtirish dasturlari ularga noyob tajriba taqdim etish orqali sodiq mijozlar bazasini yaratishga yordam beradi. Misol tariqasida mahsulotga oylik obunalarni keltirish mumkin — bu mahsulotlar har oy yetkazib beriladi va xaridorlar uchun har safar tanlov qilish majburiyatini yo’q qiladi. Bu mijozlarning vaqtini tejaydi va ularga har oy yetkazmani intiqlik bilan kutishga asos yaratadi.

Maqsadli auditoriya kengayishi:

Yetkazib berishni avtomatlashtirish marketologlarga maqsadli auditoriyani kengaytirish imkonini beradi. Shuningdek, tez buziladigan tovarlarga muntazam buyurtmalar va ularni o‘z vaqtida barra holda yetkazib berish hisobiga sodiq mijozlar bazasi yaratiladi. Bu, shuningdek, ajralib turuvchi brend xususiyatlarini yaratish uchun yaxshi imkoniyatdir – yetkazib berish tezligi va narxi raqobatchilardan ajralib turishning bir usulidir. Afzalliklar qatoriga qo’shimcha xarajatlar kamayishi va mijozlarga xizmat ko’rsatish yaxshilanishi kiradi.

.

Vaqt va puldan samarali foydalanish:

Yetkazib berish jarayonlarini avtomatlashtirish noto’g’ri tovar jo’natish, imlo xatolari va qadoqlashdagi kamchiliklar kabi ko’plab xatolar xavfini oldini oladi. Bu xatolar keraksiz xarajatlarga va mijozlarning noroziligiga olib kelishi mumkin. Avtomatlashtirish ularni bartaraf etishga yordam beradi, shu bilan birgalikda vaqtingiz va naqdingizni tejaydi.